DETAIL PROJECT REPORT

Project engpawh kan siam dawn chuan kan thil tih tum chiang tak, a tih dan tur ruangam kan din hmasa thin a. A rahchhuah tur pawh kan mitthla lawk thin. A rahchhuah a that dawn avangin phur takin kan thawk thin a. Harsa deuh mahse, kan ti hram hram thin a nih hi.

Chutianga kan tih/thawh tur chiang tak kan ziah chhuahna chu Detail Project Report chu a ni.

Project Report tha leh tha lo tehfung chu a tak taka tihhlawhltlin theih leh theih lovah a innghat a, a ziaka tha fu si, tihhlawhtlin hleih theih loh hi DPR tha a ni thei lo. Entirna atan – IWMP DRP tha tak kan siam a, Data pawh kan khawn khawm tha hle a, tih pawh kan ti nasa. Mahse, Data kan lakkhawm te hi a hman tangkaina tur awm chuang lo, a tak takah pawh kalpui harsa tur anih si chuan DPR tha a ni thei chuang lo. Climate chungchang te, Ruahtui dawn tam lam te, a hmun sang zawng etc. chu kan thlai/thing phun tur atana kan mamawh a ni a. Kan thlai/chin chu a cliamate awm dan te, Lei awm dan te, a hmun sang zawng leh mipui rilru sukthlek a zirin thlan tur a ni a. Chutiang mil hu thlai chin tur a ni a. Chutiangina a ngeih tur thlai chin chu DPR siamtu leh a tihlawhtlingtu tur ten an tum tur a ni a, Chutiang nilo, DPR-a data kan neih mil lova thlai kan chin leh si chuan DPR awmze nei lo a ni.

DPR kan siam dawn chuan hetiang heng te hi kan ngai pawimawh hmasa tur a ni :

1. Kan tih tur hriat chian : Kan tih tur hrechiang lo chuan DPR awmze nei kan siam thei lo. Eng atan nge kan siam dawn tih kan hrechiang hmasa phawt tur a ni. Entirna atan IWMP atan DPR kan siam dawn anih chuan enge IWMP kan chian phawt a tul a, a Guideline leh a tum kan chian hmasa phawt a tul a. Chutiang chu mi thiam zawk te, lehkhabu leh Internet atangin zawn hmasa fo tur a niin, hetiang lama tawn hriat lo nei tawh zawh a fuh fo.

2. Hmanraw lakkhawm : In kan sak dawn chuan kan sak hmain a hmanrua tur kan lakhawm hmasa thin a. Thingzai in sak dawn chuan Thingzai tlawn, phek , Rangva, Tile, Darthlalang, Perek etc.. Chutiang chiah chuan DPR siam tur chuan a hmanrua kan lakhawm hmasa tur a ni. Hmanrua kan lakkhawm tur chu kan thiltih tur atana pawimawh chuah a ni tur a ni, Hmanraw lakkhawm teuh va, chhawr/hman tangkai leh si loh chu hun leh tha sen thlawnna mai mai a ni.

3. Hmanrua tur te : A pawimawh hmasa berah chuan kan thil tih tur chu daihrei, mipui chhawr tangkai tur, tlo leh tha, environment tichhe lo a ni tur a ni a. Chutiang atan chuan hmanraw rintlak, innghah ngamna neih a ngai a. Scientific data neih hi thil pawimawh tawpkhawk a ni. Hengte hi Science and Environment Deptt. atangin GIS application chi hrang hrang - Location map, drainage map, elevation map etc. a lak theih ang a, Soil sample kan lakkhawm chu ICAR-ah te, Soil Testing Laboratory-ah te kan la thei ang a, Humidity, Rainfed leh a dangte chu Internet atang te, Remote Sensing Apllication Centre atang te leh ICAR/KVK lam atang pawhin a lakkhawm theih ang. Chutiang bawkin, a tui awm dan hrechiang tur chuan a Tui Sample lakin PHE Laboratory-ah a test tir theih ang. Tin, mipui khawsak dinhmun leh eizawnna chu a hmunah Sampling Data hmangin awlsam takin a lak theih ang a, Vety, Trade & Commerce, Food & Civil Supply leh Rural Development Department atangin kan duh ang Data thenkhat a hmuh theih bawk ang.

4. Hmanrua thlitfim : Hmanrua engemaw zat, hmun hrang hrang atangin kan lakkhawm te chu a tangkai chin leh a hmantlak chin thlitfim tur a ni a. Hmanraw tul lo te chu paih fai vek tur a ni a, a tul lah hman tlak chauh hman tur a ni.

5. Mipui tel ngei : DPR kan siam reng reng hian mipui an pawimawh ber tih hriat tur a ni a. Kawng tha deuh te, Tuikhur tha deuh te, Electric Power tha tawpkhawk pawh nei mah ila, a chhawr/hmang tur mipui an awm miau loh chuan awm zia a awm chuang lo. DPR kan siam hian mipui ngaih pawimawh hmasak ber tur a ni a, mipui chuan anmahni ta a ni tih an hriat theih ngeina tura ruahmanna siam hi thil tul tawpkhawk a ni. Chuvangin, mipui kohkhawm a, kaihhruai a, mipui nena tihho ngai a ni. A bik takin IWMP-ah hian mipui inkhawm ina ro an rel tlan (Gram Sabha) neih hi a ngai pawimawh hle a, A Guideline-ah pawh tih ngei tur anih thu uar takin a tarlang nghe nghe a ni. Mipuiin an hriatpui loh leh an remtihpui loh chuan eng scheme mah hi a hlawhtling ziktluak thei lo. Neitu rilru an put theihna atan ruahmanna (DPR) an siam lai hian an tel ngei tur a ni a, a tihhlawhtlinna kawngah pawh tha an thawh ve ngei tur a ni.

6. Mi thiam kaihhruai : Mipui kalkhawm ringawt te, Data tha tak neih ngawt te hi DPR tha neihna a ni ngawt lova, Data neih sa hmang tangkai thiam leh mipui rilru chawktho chunga kaihhruai thiam, ‘Mi thiam’ neih chu DPR tha siamna kawnga kawngro su berte zinga mi a ni a. Data an neih sa chu mipui chuan an hmang tangkai thiam lo mai thei a, chutiangah chuan mi thiam te chu an pawimawh em em a ni.

7. Dawhkan atanga siam loh tur : DPR chu a hmunah, a tak taka an thawh hunah pawh a Implementing Agency te an buai lohna atan tih tur a ni a. Engkim mai chu a theih ngei tur, a tak a lo thleng hunah pawha hmantlak ngei tur anih avangin Dawhkan atanga tih fel mai/siam fel mai a rem lo. Dawhkan atanga siam DPR rintlak a awm thei lo. Tui khuahna tur te, Zun in siamna tur te, chenna tur hmun etc. te chu Map-a lantir mai bakah a hmunah ngei a titu tur (a thawktu tur) ten an enin, a hrechiang hle tur a ni.

8. A tihlawhtlingtu : DPR tha tak siam chhuak ila, kan hman tangkai leh si loh chuan awmze nei lo a ni. DPR chu DPR anihna anga hman tur a ni a, khawilai dawhkan kilah emaw awm mai mai tur a ni a. Heta tana thawktu tupawhin DPR chu an bel hle tur a ni a, chutiang tak chuan hna pawh an thawk tur a ni. Cheng tam tak sengin, mipui tam takin tha an thawh a, mi thiam engemaw zatin rilru an sengin, mi tam tak an buai bawk a. Heng zawng zawng te hi awmzia a awm leh awm loh chu DPR hman tangkai leh kai loh a innghat a ni. Chuvangin, DPR chu hman ngei tur a ni a. Hman ngei tur, DPR siam chu DPR siamtute tih tur a ni.

Tun tuma kan thusawi turah hian IWMP hmanga DPR siam kan kawhtir ber dawn a. Chutiang atan chuan a hnuaia Table hi en hmasa ta ila :-


Para Item Explanation
1.1 Introduction of Watershed Programme Hetah hian IWMP lo chuah tan dan te, a thil tum te tarlan nise.
1.2 Introduction of Mizoram and it district Mizoram leh a huamchhung district te, block te chanchin leh PIA te chanchin telin.
2.1 Village-wise detailed of IWMP Data collect te chu Analysis tih nise, PRA atanga data neih theih a ni ang. PRA tools zingah – Transect walk, Seasonality, leh Van diagram etc a pawimawh zual mai thei.
2.2 Demographic features
2.3 Land features
2.4 Climate & Hydrological Features
2.5 Details of Existing Livelihoods for Poor
2.6 Existing Asset
3.1 Problem typology Data kan neih ho te chu SWOT analysis tih vek nise, harsatna awm thei, suk kian dan tur, a tha zawk zawn dan tur tarlan nise
3.2 Analysis of Soil and Water conservation
3.3 Analysis of Crops
3.4 Analysis of Livelihoods
3.5 Analysis of Capacity building and training
4.1 Planning Process Watershed Development atana Component hrang hranga hmalak dan tur chipchiar, Watershed wise leh Year wise-a tarlan ni e.
4.2 Proposed plans of Entry Point Activities
4.3 Proposed interventions for livelihood activities
4.4 Proposed plans for Watershed Development Works (Soil & Moisture Conservation, WHS, Afforestation, Pasture Development, Horticulture Development)
5.1 GIS & Mapping Mizoram State Remote Sensing Agency, Planning Deptt. atangin heng Map te hi lak nise, Micro-Watershed Wise map ni zel thei se. Heng map hi ni Ground level data nen en mila, Analysis tih zel ni bawk se.
5.2 Contour map
5.3 Drainage Map
5.4 Elevation Map
5.5 Wasteland Map
5.6 Slope Map
6.1 Institutional Mechanism and Agreement DU te, PIA te leh WDT te, WC te tih tur kimchang leh PIA leh WC te agreement tarlan nise, WC tin ten Society Registration an tihna tura an Constitution proforma pawh telh nise.
6.2 Details of PIA & WDTs
6.3 Details of Watershed Committee
6.4 Details of User Groups
6.5 Details of SHGs.
6.6 Agreements
7.1 Expected outcome Mizoram SPSP-a tarlan te kha chipchiar zawkin Micro watershed tina a outcome tur leh a output tur te chipchiar taka tarlan nise.

A chunga Table kan tarlan ang hian DPR siam hi thil namai anih loh zia a lang chiang viau chuan a hriat a. Khita kan tarlan ang zawng zawng Data nei tura thawh a ngaih nasat zia te, sum leh pai sen hnem a tul zia te hi hrerengin IWMP Guideline chuan 1% of the total cost chu hman a phalsak reng a ni.
DPR siam dawn chuan a hmunah kal chilh ngeia tih tur a ni a, mipui te an tel ngei a ngai a, Satellite data leh Ground data en mil a tul a, Data ringawt collect a, compile hi DPR a ni lova, chung Data te chu a chhawr tangkai dan tur DPR-ah chuan chipchiar takin an tarlang tur a ni. DPR chu hmalak dan tur tarlana (Action Plan) ani nghal a ni tih hriatreng tur a ni.
DPR hi level tina approve- tu tura ruat ten an approve tur a ni a, a tha lo lai leh siam that a ngaihna lai chu approve tu tura ruat chuan uluk takin an lo thlir ang a, hriat chian loh an neih te chu DPR siamtute an zawt chiang tur a ni a. An chhanna atanga an lungawi loh emaw, kim lo awm anih chuan an siamthat tir leh tur a ni. DPR siam tur hian hun a duh rei avangin thla 3 tal a ngai a, Project lian atan phei chuan Kum 10 chuang a ngaih chang te pawh a awm thin.
DPR hi Project hlawhtlinna leh hlawhchhamna hrilhtu pui ber tur anih avangin leh heta tang hian Project Implementing Agency te achievement te, Monitoring leh Evaluation te tih tur anih vek avangin uluk taka buatsaih a ngai a. Thla 3 tal hun a mamawh a ni. Dawhkan atanga siam mai theih a ni lo.
...............