ZEMABAWK HMASAWN NAN

November 3-7, 2009 chhung khan Guwahati lamah ‘District Planning’ chungchang zir turin kan hotute nen kan kal a. Kan thil zir chu a tha hle mai a; mahse, kan vengin kan hlawkpui theih dan tur hlir a ni ka ngaihtuah !?!

Zemabawk mipui 53% vel hi Lonei mi leh chutiang lama innghata eizawng kan ni a. Kan ramah lo neih tur kan nei tawh lo a. Mi ram, hla zawk hawhtin chhungkaw tam tak chuan ei kan zawng mek a ni.

Kan thlai thar tam zawk hi Inrinni Bazara zawrh tur, kumkhat thlai a ni tlangpui a. Kumhlun thlai chin kan uar lo viau. A uar chhun pawhin a puitling dawn chauhva kan hralh zel ! Chutichung chuan kan sim chuang hlei lova. Hah takin, hlawk lo fein kumtin, Tuirial, Airfield, Muthi leh Zokhawsang ramah kan inphur zel rih a. A vanduaithlak ti dawn ila, a dang kan hre chuang si lo.

Kan eizawnna tam ber hi hlawk zawk leh kumhlun zawka tih dan kan zawn thuai loh chuan reilote-ah kutdawh tur kan tam viau ang.

Chutiang laka kan him tlan theihna atan rawtna hmasa atan chuan MAIMAW PANGANG VULH hi a thain a rinawm. A thatna te :

1)      Mizoram-a a hralhna leh inzirtirna hmun awmchhun chu kan vengah a awm.

2)      Kg. khat man a to avangin mi pakhatin hla tak atang pawhin cheng tam tak man a phur thei.

3)      A kumhlun

4)      Chhungkua-in a thawh theih

5)      Khawvelah demand a sang

6)      Environment tan a tha

7)      A thar hma

8)      Natna dangin a tibuai tlem

9)      Zemabawk ramin a ngeihin, a tha duh

10)  Kum khatah vawi 4 lai pawh a thar thei

Hetiang khawpa hlawk zawk tur tunah rih hi chuan rawtna dang a ziaktu hian a hre rih lo.

Kum thar atang chuan bul tan teh ang u. NREGS te hi Maimaw Pangang huan thlawh nan hmang ila, Theihmu tiak chu Sericulture Deptt. lamin min pe thei turah ngai ila. Tin, IWDP(Hariyali) hnuaiah tanpuina tur sum a awm thei a, NLUP hnuaiah Trade atan thlang hlawm bawk ila. Hawh u, Zemabawk hian hmingthanpui kumhlun tur eizawnna nghet I nei tawh teh ang u.

(Note : A ziaktu hian Maimaw Pangang Vulh dan kimchang a hre lo. Hei aia hlawk zawk eizawnna tha tur hria chuan han rawt teh u)